Roza/نيك بخت روزه

imageخدایا شکر. ہزار بار شکر۔ ہر چہ شکر کنوم کم استہ۔ روزہ بلاۤخر دہ اینجی رسید۔ تمام شومو رہ مبارک شونہ۔ خودیم بسیار خوشحال استوم۔ یقینن دیگا ام خوش باشہ۔ خبر دروم کہ روزہ دہ دیگہ جایا دو سہ روز پیش رسیدہ بود مگہ دہ اینجی دیشاؤ رسید۔ دیر شود بخاطریکہ راہ خراب بود۔ سرِ مرز بسیار سختی بود ازو خاطر دیر شود۔

دو روز پیش مہ بسیار دہ تشویش بودوم۔ پریشان بودوم کہ خدایا چہ کار کنوم۔ نیک بخت روزہ دہ تمام جایا رافت، مگہ اینجی نہ اماد۔ ای رہ زنگ دے کہ او رہ زنگ دے۔ اینجی بورو کہ اونجی بورو مگہ ہیج احوال نہ ماد۔ خدایا چہ کار شود؟ خدا نخواستہ دہ گیر اماد۔ تای لاری شود۔ تای آؤ شود۔ راہ رہ گوم کد۔ ہر چہ قوچاقبر رہ زنگ میزہ دوم، زنگ نہ مورافت۔ کجا شود ای نیک بخت روزہ؟ ہر ساعت تشویش مہ زیاد شودہ رائیہ بود۔ روزہ نہ ماد کہ نہ ماد۔ سرِ کوہ رافتوم، بلے بام بال شودوم ، شمو یقین کین بلے درخت ام بال شودوم کہ او رہ بینگرنوم مگہ نہ دیدوم۔ رفیقا رہ زنگ ذدوم کہ شاید اونا دیدہ باشہ مگہ مثبت جواب نہ ماد۔ امیتر گیج بودوم کہ چہ کار کنوم۔ میخاستوم کہ روزہ رہ زود بیگروم۔ مگہ چیتور بیگروم؟ برای گرفتو ضروری استہ کہ مہ باید او رہ بینگرنوم۔ تمام مسلمانا ثوابا رہ گرفت۔ خدا خبر یگو قطرہ بلے ازمو بومنہ کہ نہ۔

Continue reading

Share Button

Sahar Batool

sahar batoolIt was early morning on 28th  of October 2014. Sahar’s mother was busy preparing breakfast in the kitchen  while her father, Sakhi, was getting himself ready to go to work. He looked at  his motorcycle in the backyard of the home, walked to it, checked the wheels  and cleaned it up with a piece of cloth.
“Can you wake the children up?” his wife shouted  out from the kitchen.
  “OK,” Sakhi said and walked to the children’s room. He slowly pushed the door open  and quietly popped his head through the door. All his daughters were in a deep  sleep. Sahar, his youngest daughter who was seven was laying sleep beside her  elder sisters. He gently knocked the door and called out “wake up children!  Time to get ready for the school now!”  
Anisa, the eldest ten years old daughter  said “OK father,” then rubbing her eyes and nudging Sahar, who was  laying sleep beside her on the floor, said “wake up.” Sahar woke up and asked  “what time is it?” stretching her arms and legs.
Continue reading

Share Button

Good and Bad/خوب و بد

مردم موگیہ کہ دہ دنیا فقط دو قسم آدم استہ۔  خوب و بد۔ یعنی اگہ یگو آدم خوب نیہ یقینن بد استہ و اگہ بد نیہ خوب استہ۔ اگہ خوب استہ، چطور خوب جور شودہ؟ خود شی خوب شودہ یا نہ یگو  رفیق ، علم ، مدرسہ ،  اخلاقیات یا یگو منطقہ کہ دہ اونجی زندگی مونہ او رہ خوب جور کدہ۔ ا گہ نہ یقینن یگو مذہب سر شی تاثیر کدہ۔ اگہ مذہب ام نکدہ چطور خوب جور شودہ؟ آیا یگو امکان استہ کہ انسان خود شی خوب جور شونہ؟ اگہ نہ؟ چرا نہ؟  

مردم ہمیشہ دہ ای باور استہ کہ ماحول (گردوبَری یا محیط) انسان رہ خوب یا بد جور مونہ۔ یعنی اگہ ماحول برای یگ انسان خوب باشہ یقینن آدمِ خوب مَیَہ۔ اگہ بد باشہ  یقینن آدم بد جور موشنہ۔  یعنی دہ زبان ریاضی دو جمع دو چار موشنہ و دہ زبانِ دہقانی اگہ گندم کشت کنی گندم دیرؤ مونی۔ جو کشت کنی جو۔  دہ الفاظِ دیگر کارِ بد انجامِ بد و کارِ خوب انجامِ خوب  یعنی دہ خانے دُوز  ، دُوز  پیدا موشنہ۔ خانے چرسی ، چرسی ۔ خانے غریب ، غریب ۔ خانے آدمِ نیک ، فرشتہ ۔  خانے آدمِ خوب ، خوب و خانے آدمِ بد ، بد پیدا موشنہ۔ ای یگ فکر استہ کہ دہ بینِ مردم استہ۔ مو باور کنی یا نہ ای یگ حقیقت استہ۔

Continue reading

Share Button

Abdul /عبدل

abdul

مسلمان خوب ام استہ بد ام. ايماندار ام استہ بے ايمان ام. عادل ام استہ ظالم ام. كيل ام استہ روست ام. خلاصہ قسم قسم استہ رنگ برنگ ، اولٹہ پولٹہ ،گڈ وَڈ.
اى گپ ره يگو قبول دره، يگو نہ مگہ عبدل اى گپا ره قبول نہ دره. اُو ايد قبول نمونہ کہ مسلمان بد، ظالم و بےايمان شده ميتنہ.
ہر چى کہ موگى مثال ميدى مگہ نہ، گوش نہ مونہ کہ نمونہ. آدم حيران موشہ کہ خدایا، اينا چرا اى قدر ساده استہ؟ چرا يگ ريزگگ گپ ره نموفامہ؟ خدا نخاستہ يگو اعصابى مشكل ام نہ دره. دو كلان كلان نورانى چما دره. کٹہ کٹہ مقدس گوشا دره. ريزه ام نیہ. کٹہ غڈم پس مرتيکہ یہ مگہ يگ چوقئي گپ ره نموفامہ، تعجب استہ.
ماشااللہ خاننده ام استہ. ده يگ كشورِ آزاد، مہذب، خاننده و خوشال زندگى مونہ مگہ از نظرِ فكرى ده قرن يازده يا دواذده زندگى مونہ. فاميده نموشہ کہ اونا ازى كشور يگو چيز ياد گرفتہ يا بايد ياد بيگره. از دان شى ہمیشہ بوى جہالت، فقر و پسماندگى مایہ. فقط مسلمان مرد ره انسان فكر مونہ. موگیہ کہ زن حيوان استہ و تمام مسلمان قط سر پئيچے خو ده بہشت موره.
Continue reading

Share Button

Zor/زور

Zor Zorيگ جاى نوشتہ بود کہ آئينگ بسيار زور درہ تقريبن ہر چيز رہ مئيدہ مونہ اگہ مئيدہ نہ تنيست چگ مونہ۔ زوری آئينگ رہ موگیہ کہ آتش درہ۔ آتش آئينگ رہ موخرہ۔ اُو رہ اَو مونہ حتہ قيافے شى تغير ميدیہ۔ زوری آتش رہ موگیہ کہ آو درہ يعنى آو آتش رہ موخرہ۔ گُل مونہ۔ خاك خاگيشتر مونہ۔ بے عزت مونہ و تمام قارِ آتش رہ دہ خاک مونہ۔

زوری آو رہ موگیہ کہ انسان درہ۔ انسان آو رہ موخرہ۔ اگہ قار شی اماد آو رہ جوش میدیہ اگہ قار شی زیاد اماد دہ مینے آوی جوش یگ کَمک چای خشک میندختہ تا آو رہ چای جور کنہ۔  عین اميتر زوری انسان رہ موگیہ کہ مرگ درہ۔ مرگ انسان رہ موخرہ۔ از پَس پَس شی مایہ تا او رہ بوخرہ۔

زوری مرگ رہ موگیہ کہ صدقہ درہ۔ صدقہ مرگ رہ ٹال ميدیہ يعنى مرگ از صدقہ دور توتا مونہ۔ اموتر کہ موش از پيشى۔

صدقہ رہ زور شی کی درہ؟ موگیہ يگ نفر استہ کہ صدقہ رہ خام موخرہ۔ صدقہ پیش ازو تسلیم استہ۔ قد سر پائیچے شی موخرہ۔ نہ دہ جان شی کالہ میلہ نہ بوٹ، پگ شی نوشی جان مونہ۔ ایقدر استاد آدم استہ کہ از بوی صدقہ موفامہ کہ صدقہ دہ کجا استہ؟ دہ کودم خانہ استہ؟ صدقہ از دست ازو آدم چند دفعہ توتا کد مگہ نہ تنیست۔ موگیہ یگ روز صدقہ دہ مسجد توتا  کد مگہ دہ اونجی گرفتہ شود۔ روزی دیگہ دہ قبرستان پوٹ شود مگہ دہ اُونجی ام زود دہ گیر اماد۔ دہ زیارت رافت، دہ مزار رافت خلاصہ ہر کار کد مگہ دہ گیر اماد — توتا نہ تنیست۔

Continue reading

Share Button